Goditi policët pasi e ndaluan duke hedhur fishekzjarre, arrestohet 32-vjeçari në Tiranë

Një ngjarje e pazakontë është regjistruar në kryeqytet, ku një 32-vjeçar ka përfunduar në pranga pas një incidenti me efektivët e policisë.

Sipas informacioneve, i riu u kap në flagrancë duke hedhur lëndë piroteknike (fishekzjarre), çka solli ndërhyrjen e forcave të rendit. Ai u revoltua për ndërhyrjen ndërsa gjatë shoqërimit, kundërshtoi urdhrat e punonjësve të policisë dhe më pas i goditi ata.

“Specialistët për Hetimin e Krimeve të Komisariatit të Policisë Nr. 6 arrestuan shtetasin A. M., 32 vjeç, pasi u kap duke hedhur lëndë piroteknike. Më tej, gjatë shoqërimit në ambientet e Policisë, 32-vjeçari ka goditur efektivët”, njofton policia.