Trump reagon ndaj ish-drejtorit të FBI: Ai përdori numrin “86” është kodi që thotë “vrite Presidentin”

Presidenti i SHBA-së, Donald Trump, ka reaguar ashpër në rrjetin social Truth Social lidhur me një çështje që përfshin ish-drejtorin e FBI, James Comey.

Sipas Trump, termi “86” përdoret në zhargon kriminal me kuptimin “eliminoje” apo “vrite”. Ai pretendon se shprehja “86 47” përbën një kërcënim të drejtpërdrejtë ndaj tij si president, duke sugjeruar interpretimin “vrite Presidentin Trump”.

Në postimin e tij, Trump akuzon Comey-n se është në dijeni të plotë të këtij kuptimi dhe e cilëson atë si “një nga policët më të këqij dhe të korruptuar”. Presidenti shton gjithashtu një frazë të fortë simbolike: “tetë milje larg, gjashtë këmbë nën tokë”, duke nënkuptuar një kërcënim serioz.

Trump ngre gjithashtu dyshime nëse Comey ka gënjyer ndaj FBI-së në lidhje me këtë çështje, duke deklaruar: “Mendoj se po”.

Raportimet për vetëdorëzimin e ish-drejtorit të FBI-së në polici një ditë më parë kanë shtuar tensionin rreth kësaj situate.

Statusi i Trump:

“‘86’ është një term i mafias që do të thotë ‘vrite atë’. Ata thonë ‘86 atë!’ ‘86 47’ do të thotë ‘vrite Presidentin Trump’. James Comey, i cili është një polic i korruptuar, një nga më të këqijtë, e di shumë mirë këtë! TETË MILJE LARG, GJASHTË KËMBË NËN TOKË! A nuk gënjeu ai edhe ndaj FBI-së për këtë??? Unë mendoj se po! Presidenti DJT”