Eva Buzo përshkon ujërat e Jonit në një sfidë të re sportive rreth Ishullit të Sazanit
Eva Buzo, avokatja dhe rekordmenia shqiptaro-australiane në not, është rikthyer sërish në Vlorë për të ndërmarrë një tjetër sfidë të rëndësishme në ujëra të hapura.
Ajo u nis nga zona e Radhimës në drejtim të Ishullit të Sazanit, ku po zhvillon një notim sfidues përreth ishullit më të madh të Shqipërisë.
Fillimisht e shoqëruar nga anëtarë të stafit mbështetës dhe më pas e vetme, Buzo vijoi rrugëtimin e saj sportiv në ujërat e Jonit, duke përballuar një itinerar që kërkon përgatitje të lartë fizike dhe qëndrueshmëri.
Sfida përfshin përshkimin e vijës bregdetare të Ishullit të Sazanit, e cila shtrihet në rreth 15 kilometra, duke vënë në provë aftësitë dhe rezistencën e saj në kushte të hapura detare.
Kjo nuk është hera e parë që sportistja zgjedh Vlorën për sfidat e saj. Dy vite më parë, Eva Buzo tërhoqi vëmendjen e publikut me një arritje të veçantë, kur realizoi notimin nga brigjet e Italisë drejt Gadishullit të Karaburunit, një sfidë që u vlerësua gjerësisht në Shqipëri dhe më gjerë.
Edhe këtë herë, sfida e saj pritet të ndiqet me interes nga sportdashësit dhe qytetarët, duke konfirmuar edhe një herë pasionin dhe përkushtimin e saj ndaj notit në ujëra të hapura.

Berisha: Të rinjtë janë boshti i ripërtëritjes së PD-së
Me pankarta dhe flamuj në duar, qytetarët në ditën e 7-të të protestës
Fushatë depistimi falas për 3 muaj për kancerin e qafës së mitrës, mjekët: Nëse kapet në kohë, shërohet
- 18:25 Berisha: Të rinjtë janë boshti i ripërtëritjes së PD-së
- 18:11 Me pankarta dhe flamuj në duar, qytetarët në ditën e 7-të të protestës
- 18:10 Sekretari amerikan i Mbrojtjes: Evropa duhet të përqëndrohet në mbrojtje
- 17:56 Irani dënon sulmet amerikane ndaj objekteve bregdetare
- 17:34 Administrata Trump në një ‘dialog aktiv’ mbi rezervat strategjike të naftës në Kaliforni
- 17:14 Rusia refuzoi ofertën e Ukrainës, Zelensky: Putini humbi shansin për t’i dhënë fund luftës!