Rritet konsumi i alkoolit dhe drogave gjatë verës, mjekët: Kujdes nga kombinimet e rrezikshme

Konsumi i alkoolit dhe lëndëve narkotike shënon rritje gjatë muajve të verës, veçanërisht në mesin e të rinjve, të cilët në raste të caktuara tejkalojnë normat e konsumit gjatë festave verore.

Mjekët toksikologë thonë se shqetësimi më i madh lidhet me kombinimin e alkoolit me substanca të tjera narkotike, pasi këto përzierje mund të shkaktojnë pasoja të rënda për shëndetin.

Sipas mjekëve, këto kombinime mund të çojnë në varësi, probleme të shëndetit mendor dhe çrregullime psikologjike.

Në periudhën e verës, specialistët vërejnë një rritje të rasteve që paraqiten në urgjencën e shërbimit të toksikologjisë, si pasojë e mbidozave nga alkooli apo substancat e tjera.