Nesër mund të ketë ndarje të PD-së, thotë eksperti për çështjet zgjedhore

A do të ndahet nesër Partia Demokratike, pas vendimit të z. Basha për të përjashtuar Sali Berishën nga Grupi Parlamentar i PD-së?

Këtë pyetje shtroi sot te “Barometri”, eksperti i çështjeve zgjedhore Blendi Çeka.

Z. Çeka tha se Partia Demokratike ndodhet momentalisht në një moment të paqartë, pasi pas vendimit të sotëm të Bashës mbetet për t’u parë se çfarë do të ndodhë me Grupin Parlamentar, çfarë do të ndodhë me strukturat e zgjedhura të partisë dhe çfarë do të ndodhë me anëtarësinë dhe simpatizantët e PD-së.

Për z. Çeka një faktor përcaktues është edhe mënyra se si do të reagojë Sali Berisha, i cili ka një ndikim mbi demokratët në vend pasi “ka formatuar politikisht votuesin e PD-së.”

LEXONI GJITHASHTU:

• Drejtori i MRB për përjashtimin e Berishës: Bashës i jep kredite dhe fuqi prej udhëheqësi
• Me përjashtimin e Berishës, demokratët po marrin pasojat e akteve që miratuan vetë, thotë pedagogu