Presidenti Joe Biden do të bisedojë me presidentin kinez Xi Jinping të premten, ku një ndër temat pritet të jetë lufta në Ukrainë.

Njoftimi nga sekretarja e shtypit e Shtëpisë së Bardhë, Jen Psaki, erdhi disa ditë pasi SHBA tha se Kina është e gatshme për t’i ofruar Rusisë ndihmë ushtarake dhe financiare kundër Ukrainës.

Rusia dhe Kina i kanë mohuar këto pretendime.

Shtetet e Bashkuara janë të shqetësuara se Kina mund të furnizojë Rusinë me pajisje ushtarake që mund të përdoren nga Presidenti Vladimir Putin kundër Ukrainës, thotë Shtëpia e Bardhë.

Psaki u tha gazetarëve në konferencën e fundit në Uashington se dështimi i Kinës për të denoncuar veprimet e Rusisë “flet shumë”.

Ajo tha se Biden do ta diskutojë këtë temë me homologun e tij kinez, Xi Jinping, në një telefonatë të planifikuar për të premten.