A do kthehen shqiptarët nga Britania? Flet avokati Naim Hasani

Avokati Naim Hasani është shprehur se deklaratat që bëri ditën e djeshme ministri britanik në lidhje me shqiptarët janë për qëllime elektorale.

Në një lidhje të drejtpërdrejt për Euronews Albania ai tha se kthimi për emigrantët e paligjshëm në Britani ka ekzistuar gjithmonë, ndërsa theksoi se në deklaratën e ministrit nuk kishte asgjë të jashtëzakonshme.

“Ka pasur deklarata për qëllime elektorale për të kthyer sadopak anën e sondazheve. Ministri i emigracionit ka pasur çdo herë përplasje me emigrantët por jo në një situatë të tillë. Britani u ka dhënë mbrojtje me vite të gjithë atyre që kanë pasur nevojë për mbrojtje ndërkombëtare. Nëse je në Britani në mënyrë ilegale mund të kthehesh nëse e drejta jote për të qëndruar në Britani ka përfunduar. Ligji ka ekzistuar  edhe më parë. Në deklaratën e ministrit nuk ka asgjë të jashtëzakonshme, por theksi është padyshim shqiptarët”- tha ai.

LEXONI GJITHASHTU: 

• Dauti: Perceptimi negativ për shqiptarët vazhdon, disa tabloidë vazhdojnë shkruajnë
• Spahiu: PD është kthyer në parti provenciale, PS ka marrë elektoratin e brezit të ri
• Mes ndryshimeve të kohës, Posta Shqiptare mendon për të gjithë