A do përsëriten zgjedhjet? Kolegji merr vendimin për Belshin, shtyhet Kamza

Në Rrogozhinë do të ketë sërish zgjedhje. Ky është vendimi i formës së prerë i Kolegjit Zgjedhor, i cili pranoi kërkesën e koalicionit “Bashkë Fitojmë” për përsëritje të procesit në të gjitha qëndrat e votimit.

Vetë kandidati i koalicionit Shkëlqim Hoxha ka ndjekur nga afër të gjitha hallkat ankimuese pas humbjes së ngushtë përballë rivalit të tij socialist , Edison Memolla, i cili rezultoi fitues me vetëm 28 vota më shumë.

Hoxha pretendonte për manipulim të procesit zgjedhor dhe kryesisht në qendrën e votimit të burgut të Rrogozhinës i cili përmbysi edhe rezultatin në disfavor tij.  Pas shpalljes së vendimit nga kolegji zgjedhor, është KQZ ajo që duhet të vendosë brenda 4 javëve datën për zgjedhjet e ardhshme për kryebashkiak.

Ndryshe nga pretendimet për Rrogozhinën, për bashkinë e Belshit, kolegji vendosi të mos ketë ripërsëritje të zgjedhjeve, duke lënë në fuqi rezultatet aktuale me fitues kandidatin socialist Arif Tafani.

Tafani rezultoi fitues me 40 vota më shumë se kandidati i koalicionit bashkë fitojmë Bedri Qypi, dhe pas rinumërimit të kutive në ambientet e KQZ-së, rezultati u thellua edhe më shumë në favor të tij , duke shkuar në 49 vota.

“Bashkë fitojmë” ka ankimuar në kolegj zgjedhor edhe rezultat për bashkinë e Kamzës, seanca për të cilën u shty dhe do të mbahet ditën e hënë. 

LEXONI GJITHASHTU:

• Dhunoi dhe tërhoqi zvarrë një të moshuar, 29-vjeçari shoqërohet në komisariat
• Kushtetuesja rrëzon padinë e PD për ndërtimet, reagon Bardhi