A do shtoj Shqipëria trupa ushtarakë në Kosovë? Rama: Shikoni filmin “Golda”

Kryeministri Edi Rama ishte këtë të enjte në një konferencë për mediat, ku i pyetur nëse Shqipëria si anëtare e NATO-s do të shtojë prezencën e saj ushtarake në Kosovë, tha se ky nuk është një vendim që i takon një personi të vetëm.

Ai shtoi se një qëndrim i tillë varet nga objektivi strategjik që një shtet ka, e në këtë rast ai nënkuptoi se do paqen.

Kryeministri u sugjeroi gazetarëve që të shikonin një film, që mbase do i bënte të kuptonin pak më shumë, filmin “Golda”, mbi paqen e arrituar mes Izraelit dhe Egjiptit.

“Ju sugjeroj të shikoni një film, një film që ka dal së fundmi që  quhet “Golda” ju  sugjeroj të shikoni momentin e uljes në tryezë dhe të firmosjes së paqes, pas njërës prej kasaphanave më të mëdha mes Izraelit dhe Egjiptit. Kaspahanë me viktima të panumërta të bërë nga këta dy njerëz. Ju sugjeroj të shikoni komunikimin e tyre, që është marrë nga arkivi, është e mundur të ndodhë kjo?

Po sepse ka ndodhur më parë. Pyetjes tënde unë nuk kam çfarë të them sepse nuk funksionon kështu qëndrimet enjë kryeministri nuk janë qëndrimet e një personi, por të një shteti ndaj një shtet dhe varet edhe nga qëllimi që ti ke, çfarë objektivi strategjik ke, paqe apo luftë. Unë nuk shikoj strategji në të gjithë procesin, shikoj lëvizje taktike të vazhdueshme që nuk çojnë asgjëkundi. A mund të jetë kjo strategjia? Mbase, por objektivi i shpallur është normalizimi përfundimtar dhe njohja reciproke “de facto” sipas meje ndërsa “de juro” është tjetër gjë.

LEXONI GJITHASHTU:

• Rama: Ekziston rreziku për një republikë të KFOR në Veri, duhet diplomaci e mençuri
• Rama: Dialogu Kosovë-Serbi të ngrihet në nivelin e një konference ndërkombëtare