A do të jetë Berisha në mbledhjen e Këshillit të Mandateve? Flet Ermonela Felaj

Nënkryetarja e Kuvendit Ermonela Felaj ka folur në lidhje me kërkesën që SPAK i paraqitur Kuvendit për heqjen e imunitetit të Sali Berishës në mënyrë që t’i hapet rrugë vendosjes së masës së sigurisë.

Në një intervistë për Euronews Albania, ajo theksoi se kërkesa e SPAK ka mbërritur para orës 13:00 në Kuvend, ndërsa shtoi se Këshilli i Mandateve do të mblidhet të hënën e javës tjetër.

Mes tjerash ajo theksoi se nuk e di nëse Sali Berisha do të jetë i pranishëm në mbledhjen e Këshillit të Mandateve.

“Kërkesa ka mbërritur para orës 13:00. Konform detyrimit që ka pastaj Kryetarja e Kuvendit sipas rregullores, i është bërë me dije të gjithë anëtarëve të Këshillit të Rregullores së mandateve dhe Imunitetit dhe natyrisht dhe deputetit ndaj të cilit është bërë kërkesa. Njoftimet për mbledhjen e Këshillit të Rregullores, mandateve dhe imunitetin për këtë kërkesë janë bërë që ditën e djeshme.

Është njoftuar që të hënën në orën 12:00  do të jemi të mbledhur për të dëgjuar këtë kërkesë të Prokurorisë së Posaçme. Është vetëm një kërkesë dhe disa dokumente që e shoqërojnë, kur bëhen me dije se pse kërkohet kjo masë për Berishën. Mendoj se Prokuroria e ka plotësuar detyrimin e vet. Nuk e di nëse Berisha do të vijë në Këshillin e Mandateve, por mund të them se deputeti ka të drejtë të japë shpjegime me gojë ose me shkrim para këtij Këshilli e të kërkojë sqarim”-tha ajo.

LEXONI GJITHASHTU:

• 1 person “hidhet” në sallën e Parlamentit në Indi, 22 vite pas sulmit vdekjeprurës
• Ministria e Mbrojtjes e Britanisë: Rusia lëshon 15 drone ‘kamikaze’ në Ukrainë