A do të lirohen policët e rrëmbyer? Shala zbulon informacionet e qarqeve diplomatike

Eksperti i Sigurisë Drizan Shala pohoi se sipas burimeve në qarqet diplomatike të Kosovës, thuhet se tre policët e rrëmbyer në veri të vendit, do të lirohen nga gjykata në Serbi këtë të premte.

Duke cituar informacione jozyrtare që qarkullojnë në Prishtinë, Shala tha se Serbia do t’i lirojë policët për shkak të problemeve që i ka shkaktuar rrëmbimi i tyre.

Eksperti theksoi se rreth pasdites tre policët e Republikës së Kosovës, mund të kthehen në familjet e tyre.

“Sipas të gjitha gjasave dhe sipas të gjitha informacionave në qarqe të caktuara diplomatike në Republikën e Kosovës, por jo të konfirmuara zyrtarisht, gjykata do t’i lirojë tre të rrëmbyerit nën arsyetim se vetëm kanë bërë shkelje të vijës administrative me Serbinë. Serbët dëshirojnë që këtë problem ta fshehin, pasi ndërhyrja në këtë formë i ka shkaktuar telashe. Këta zyrtarë policor në orët e pasdites mund të sillen në drejtim të territorit të Republikës së Kosovës. Këto janë informacione në qarqe diplomatike në Republikën e Kosovës. Sipas burimeve këta persona do të kthehen te familjet e tyre në pasdite”, tha Shala.

LEXO GJITHASHTU:

• Dalin përpara gjykatës në Serbi tre policët e Kosovës që u rrëmbyen në Veri
• Kremlini konfirmon takimin, Putin dhe Erdogan pritet të takohen në Turqi
• Britania kërkon lirimin e menjëhershëm të tre pjesëtarëve të policisë së Kosovës