A do të takohet me Berishën? Përgjigjet Shefja e misionit të vëzhgimit të ODIHR

Shefja e Misionit të Vëzhguesve të OSBE-ODIHR, Audrey Glover tha se është e gatshme të takohet me këdo që është i përfshirë në procesin zgjedhor të zgjedhjeve lokale të 14 majit.

Këtë deklaratë e bëri pasi u pyet nga gazetarët nëse do të takohet me kreun e Rithemelimit Sali Berisha edhe pse ky i fundit është shpallur non-grata nga SHBA.

“Do isha e lumtur të takohesha me këdo që është i përfshirë në këtë proces zgjedhor”- u përgjigj Glover.

Glover në një deklaratë për mediat zbuloi se ODHIR, do të ketë një ekip afatgjatë për monitorimin e zgjedhjeve në vend, i cili përbëhet nga 13 ekspertë që do të qëndrojë para, gjatë dhe pas procesit zgjedhor në Shqipëri.

Gjithashtu ajo nënvizoi se ditën e zgjedhjeve do të vijnë dhe monitoruesit afatshkurtër, të cilët do të vëzhgojnë procesin zgjedhor gjatë ditës së votimit, dhe gjatë numërimit e daljes së rezultateve.

LEXONI GJITHASHTU: 

• Rama tregon si do e nxisin sektorin privat për të rritur pagat mesatare
• “Një ekip afatgjatë do të qëndrojë këtu”- Glover zbulon masat e ODHIR për zgjedhjet