A duhet të largohen muxhahedinët? Kim: Mbështesim Shqipërinë në vendimet e saj

Ambasadorja Yuri Kim ka komentuar tensionet ditën e djeshme mes policisë shqiptare dhe muxhahedinëve, ku për pasojë disa persona mbetën të lënduar.

Në një konferencë për mediat, e pyetur nëse muxhahedinët duhet të largohen nga Shqipëria, ajo tha se vendimi është i qeverisë sonë dhe se SHBA e mbështet në hapat që do të ndërmerren.

Mes të tjerash, ajo theksoi se muxhahedinët duhet të respektojnë ligjet dhe rregullat e vendit tonë.

“Mendoj se është një vendim që duhet ta marrë qeveria shqiptare, por një gjë është shumë e qartë: që ne mbështesim të drejtën e Shqipërisë për të zbatuar ligjet e saj në vendin e veta. Ka terma të caktura që zbatohen për çdo lloj mysafiri në vendin tuaj dhe këto duhet të zbatohen prej tyre”- tha Kim.

LEXONI GJITHASHTU: 

• Yuri Kim: Mirënjohëse që përmbusha misionin tim në demokraci, mbrojtje dhe biznes
• Pas Ramës, ambasadorja Yuri Kim takon Jorida Tabakun