Teologu Vladimir Kera tha se në fe nuk ka dhunë dhe as imponim.
I ftuar në emisionin “Good Morning Albanians” në Euronews Albania, ai tregoi rrethanat kur Kurani e lejon dënimin me vdekje.
Sipas tij, vetëm shteti ka të drejtë të ekzekutojë një person në momentin që ky i fundit ka bërë një vrasje.
“Nuk ka dhunë dhe as imponim në fe, kush do beson, kush do e mohon. Kur Zoti vetë e ka dhënë lirinë e besimit dhe të imponimit, kush jemi ne njerëzit që duhet të imponojmë drejt një besimi të caktuar apo një pikëpamje të caktuar?!
Kur vret një njeri pa të drejtë, jeta jote nuk është më e shtrenjtë se ajo që i more tjetrit. Dhe këtë duhet ta marrë shteti, nuk i lejohet individit. Vetëm shteti e ekzekuton këtë vendim në momentin që ti i ke marrë jetën një personi në mënyrë të padrejtë, vetëm në këtë rast”- tha ai.
LEXONI GJITHASHTU:
- ‘E mahnitur nga Tirana’, Lara Colturi: Mes shqiptarëve ndihem si në shtëpi
- Aktivistja nga Italia: Regjimi në Iran po shfrytëzon kuranin, po përdoret feja
- Meksika vendi më vdekjeprurës për gazetarët në 2022
