“A i bëri PS dalje Ahmetajt sot?”, fati i ish zv.kryeministrit përplas analistët

Kërkesa e SPAK për arrestimin e ish-ministrit Arben Ahmetaj është kthyer në temë debati në emisionin “Now” në Euronews Albania.

Gazetari Romir Saraçia ka thënë se qeveria duhet të largohet dhe në rastin e Ahmetajt, opozita duhet të ishte sot në shesh.

Kjo është kundërshtuar nga Nesturi, i cili tha se kemi të bëjmë me një proces juridik dhe jo politik.

Nga ana tjetër analist Neritan Alibali theksoi se  afera e inceneratorëve është afera më e madhe e kapjes së shtetit që ka ndodhur ndonjëherë.

Pjesë nga biseda:

Romir Saraçi: Çfarë duhet të bëjë më shumë kjo qeveri që të largohet. Kjo dosje është procedura totale e negociuar nga Ahmetaj kundrejt parave. Çfarë duhet të bëjë një qeveri më shumë që të largohet. Opozita duhet të ishte në shesh sot.

Plator Nesturi: Kemi të bëjmë me një proces juridikisht dhe jo politikisht. Unë mbështes institucionet.

Neritan Alibali: Këtu nuk flitet e lëshoi apo jo PS sepse është institucion. Kjo është afera më e madhe e kapjes së shtetit që ka ndodhur ndonjëherë në Shqipëri. I gjithë shteti është vënë në dispozicion me të gjithë resurset e veta për të realizuar një qëllim.

LEXONI GJITHASHTU: 

• Kreshnik Spahiu revoltohet me Ramën: Shko në zgjedhje të parakohshme
• Spahiu: A do votonte opozita për arrestimin e liderëve të tyre, si për Ahmetajn?