A pati kërcënime dhe afate në Bruksel? Analisti jep detaje nga takimi Kurti-Vuçiç

Analisti Drizan Shala tha në një intervistë për Euronews Albania se afatet kohore janë pjesa kritike e planit franko-gjerman.

Sipas tij esenca e gjithçkaje është te zbatueshmëria.

“Presim që nga nënshkrimi i marrëveshjes së planit franko-gjerman të zbatohet menjëherë asociacioni i komunave me shumicë serbe, do të thotë brenda 5-6 ditëve të ardhshme, pas nënshkrimit, duhet të zbatohet në terren,” – u shpreh Shala.

Por si të zbatohet në terren?

Sipas analistit pas zbatimit do të ketë dilema nëse ka ekzistuar statusi i asociacionit të komunave me shumicë serbe dhe a e ka formuar qeveria e Kosovës një status të tillë.

“Nëse e ka formuar një status të tillë dhe nuk e ka bërë publike atëherë ka bërë shkelje kushetuese, ka bërë shkelje ligjore sepse po negocion një çështje thelbësore, jetike që ndikon drejtpërdrejtë sistemin e brendshëm politik dhe të sigurisë,” – komentoi Shala.

LEXONI GJITHASHTU:

• Takimi Kurti-Vuçiç në Bruksel, qeveria e Kosovës zbardh detaje: Ja çfarë u ra dakord
• Rama: Kurti ka bërë gjënë e duhur, askush të mos e akuzojë për tradhti