A përdoren artistët? Tiço: S’ka këngëtar që nuk ka kënduar në një aktivitet politik

Gazetarja Iva Tiço tha për “Review” në Euronews Albania se nuk ka këngëtar që të mos ketë kënduar të paktën në një aktivitet politik.

Rrjedhimisht, sipas saj, në fushata elektorale, imazhi i artistëve përfshihet.

“Përdoren, janë përdorur jetë e mot. Nuk e di nëse përdoren, artistët janë si gjithë të tjerët, janë si unë dhe si ti, kanë një zë publik, influencojnë njerëzit apo jo, thonë mendimin e tyre. Kemi gjithë fushatat nga fillimi i viteve 90’ deri më vonë ku janë përfshirë, unë dua të përdor fjalën përfshi sesa përdoren, artistë nga të gjitha anët.

Të mos harrojmë që dikur në një realitet përpara se të ishim në këto lloj zgjedhjesh bëheshin mitingjet, deri para se të shkonim në këtë koordinim me zyra shtypi, në këtë sofistikim, gjithë deputetët i kontaktonin vetë artistët nëpër rrethe, bënin ato mitingjet që i hapnin këngëtarët dhe nuk ka këngëtar në Shqipëri që të mos ketë kënduar në një aktivitet politik,” – u shpreh Tiço.

LEXONI GJITHASHTU:

• Berisha njofton datën dhe orën e mbylljes së fushatës elektorale
• KQZ sqaron vonesën e shpërndarjes së parave të fushatës për partitë