A rrezikohet PS nga procesi i primareve? Flet nënkryetari i Bashkisë Lezhë

Nënkryetari i Bashkisë së Lezhës, Ermal Pacaj deklaroi se Partia Socialiste nuk rrezikohet nga procesi i primareve që u organizuan në Partinë Demokratike, ku kjo forcë politike zgjodhi kandidatët e saj për zgjedhjet e 14 majit.

Në emisionin “RinON” në Euronews Albania, Pacaj deklaroi se kjo formulë është përdorur që në vitin 2015 nga socialistët me kandidatët e Këshillit.

Por sipas tij, primaret nuk kanë ndonjë rol, teksa shtoi se votat i marrin personat që punojnë për qytetin.

“Nëse bëjmë llogaritë e procesit të primareve si primare, se sa rrezikojnë Bashkinë e Lezhës për t’ia marrë Partisë Socialiste, besoj se primaret nuk kanë ndonjë rol. Aplikimin e primareve ne në PS-në e Lezhës e kemi bërë që në 2015 me kandidatët e Këshillit.

Nuk është një stretegji që ne nuk e kemi ndjekur. Por nuk është rezultative në atë që ofron në zgjedhje, sepse nuk është formula e primareve ajo që bën votat. Ajo që bën votat është puna”, theksoi ai.

LEXONI GJITHASHTU

• Nënkryetari i Bashkisë Lezhë: Qyteti ka nevojë të drejtohet nga PS për 5 mandate
• KQZ thirrje bashkive: Përmbushni detyrimet ligjore për zgjedhjet e 14 majit
• Cilin grup të PD do njohë KQZ? Flet Celibashi