Abazoviç: Zgjedhjet e parakohshme parlamentare duhet të mbahen sa më shpejt

Kryeministri në detyrë i Malit të Zi, Dritan Abazoviç deklaroi se zgjedhjet e parakohshme parlamentare duhet të mbahen sa më shpejt.

Abazoviç u shpreh se kjo duhet të ndodhë përmes një “procedure ligjore” dhe se “mënyra e duhur” është shkurtimi i mandatit të Parlamentit të Malit të Zi, shkruan Euronews Serbia.

Sipas Abazoviçit, dekreti i presidentit Milo Gjukanoviç për shpërndarjen e Kuvendit dhe caktimin e zgjedhjeve më 11 qershor, nuk është në përputhje me atë procedurë, sepse ai duhet të dekretojë në bazë të disa vendimeve të mëparshme.

“Ato vendime duhet të pasojnë vendimet e parlamentit, të shumicës parlamentare, në të kundërtën, ai ka mundur ta nxjerrë atë dekret në gusht të vitit të kaluar, apo ndonjë ditë të vitit të kaluar apo këtë vit, e jo tri ditë para raundit të parë të zgjedhjet presidenciale kur të kontrollohet dhe puna e tij duke pasur parasysh se ai është një nga kandidatët”, theksoi ai.

LEXONI GJITHASHTU

• Raportuesja për Kosovën në PE i kërkon Listës Serbe që të marrë pjesë në zgjedhje
• Borrell: Ndëshkime për Kosovën dhe Serbinë nëse nuk implementojnë marrëveshjen
• 24 vjet nga ndërhyrja e NATO-s në Kosovë