Abilekaj: Partitë politike të mos rreshtohen me bandat por me SPAK

Gazetari Enton Abilekaj i ftuar në emisionin “Now me Erla Mëhillin” në Euronews Albania, ka komentuar dosjen ‘Metamorfoza’ ku janë lëshuar 50 urdhër arreste, ndërsa janë zbërthyer lidhjet kriminale.

Abilekaj bëri apel që partitë politike  mos të rreshtohen me bandat por me SPAK, duke shtuar se shumë prokurorë të SPAK nuk bëjnë kompromise.

Ai pati kritika dhe për Sali Berishën, i cili tashmë ndodhet në arrest shtëpie.

“Partitë politike, njerëzit në publik nuk mund të rreshtohen me bandat, mund të rreshtohen me SPAK. Një shtetar nuk mund ta bëjë këtë. SPAK janë një grup prokurorësh që nuk janë njësoj, ka prokurorë ambiciozë, të vendosur, të cilët në dosjet e tyre kanë treguar nuk bëjnë kompromise.

Dumai në çështjet e veta nuk ka treguar që bën kompromis. Ka prokurorë që punojnë pa kompromis. Sali Berishës i takonte patjetër si shtetar  që duhet ta mbështeste. Nëse SPAK ekspozon lidhjet e mëdha të pushtetit me krimin, tregon se si 3 deputetë të PS, në një zonë elektorarale janë të lidhur më krimin, në vend që ta kapitalizosh këtë, denoncon SPAK”-tha ai.

LEXONI GJITHASHTU: 

• Abilekaj debat me Lelën: Bandat i ushqeu politika, SPAK si kurrë në parë operacion
• U konfirmua sot me kontratë 3-vjeçare, kush është trajneri i ri i Liverpoolit (Emri)