Abuzoi me vajzën e mitur, lihet në burg babai në Fier. Çfarë zbuloi ekspertiza

Gjykata e Shkallës së Parë të Rrethit Gjyqësor Fier ka caktuar masën e sigurisë “arrest me burg” për 36-vjeçarin Zamir Meta, i cili dyshohet se ka abuzuar seksualisht me vajzën e tij të mitur të moshës 12-vjeçare.

I dyshuari mbërriti në ambientet e gjykatës rreth orës 10:00, me kokën ulur, ndërsa seanca u zhvillua me pjesëmarrjen e prokurorit Genci Mane, gjyqtarit Nertil Dushku dhe një avokati të caktuar kryesisht. Gjatë dëshmisë së tij para trupit gjykues, Meta ka qëndruar i përulur dhe ka pranuar aktin e rëndë.

Në deklarimet e dhëna më parë në polici, ai ka pohuar se abuzimi ka ndodhur “vetëm një herë”, por ekspertiza mjeko-ligjore ka konfirmuar marrëdhënie të përsëritura me vajzën, duke përforcuar dyshimet për një abuzim sistematik.

Në një prononcim për mediat, nëna e vajzës ka deklaruar se nuk ka qenë në dijeni të ngjarjes dhe e ka mësuar gjithçka vetëm pas denoncimit të së bijës në polici. Ajo kërkoi dënim maksimal për bashkëshortin, duke theksuar se vajza kishte shfaqur sjellje të pazakonta, por nuk kishte rrëfyer më herët për përjetimet e saj.

Hetimet vijojnë për zbardhjen e plotë të kësaj ngjarjeje tronditëse që ka shkaktuar reagim të fortë në opinionin publik.

LEXONI GJITHASHTU:

• Dyshohet se abuzoi seksualisht me vajzën 12-vjeçe, kush është 36-vjeçari i arrestuar
• “Ndodhi vetëm një herë”- Akuzohet se abuzoi me të bijën, del në gjykatë 36-vjeçari