Administrata publike progres mesatar? Flet për Euronews Belinda Balluku

Zv.kryeministrja Belinda Balluku ka komentuar progres raportin të Komisionit Europian të vitit 2023 për Shqipërinë.

E ftuar në emisionin “Review” në Euronews Albania, tha se disa procese si ai i Reformës në Drejtësi, vettingut, sistemit të drejtësisë kanë qenë procese të vështira.

E pyetur për pikën në raport se në administratën publike ka pasur një progres mesatar, Balluku nënvizoi se disa progrese duan kohë.

“Procesi i Reformës në Drejtësi ka qenë një proces shumë i vështirë. Po të marrim Vettingut, kemi 57% e anëtarëve të sistemit të drejtësisë që janë larguar nga ky sistem. Nga ana tjetër, krijimi i SPAK, krijimi i të gjithë institucioneve të drejtësisë të cilat funksionojnë në mënyrën më optimale. Këto janë arritje të rëndësishme. Në këtë raport ka një shprehje të konfirmimit në çka është arritur, duke pasur dhe parasysh që skuadrat dhe qeveria vet duhet të motivohen.

Ne jemi në proces dhe jemi duke adresuar  të gjitha gjetjet. Ka progrese që bëhen në një muaj, një vit dhe disa vite. E njëjta gjë është dhe me administratën publike. Kemi futur një frymë të re. Nuk bëhet fjalë sot që njerëzit të ikin nga puna përse i përkasin një bindje politike.”-tha Belinda Balluku.

LEXONI GJITHASHTU: 

• Progres-raporti për Shqipërinë/ Balluku: Më i miri deri sot, jemi në hapat e duhur
• Protestë në Drashovicë/ Banorët kundërshtojnë marrjen e ujit të Vlorës për Himarën