Mandati i Ahmetaj, Kuvendi shkresë KQZ për vakancën e krijuar. Kush e zëvendëson

Kuvendi i është drejtuar me një shkresë Komisionit Qëndror të Zgjedhjeve, ku e njofton mbi vakancën e krijuar në parlament për rastin e ish-zv. Kryemnistrit Arben Ahmetaj.

Ahmetaj e humbet mandatin e deputetit për shkak se nuk ka shkuar në Kuvend gjatë 6 muajve të fundit.

Sipas gazetarit të Euronews Albania, Ardit Hoxha, në bazë të renditjes së kandidatëve të PS-së për qarkun Tiranë, mandatin e Ahmetaj do duhet ta marrë Dallëndyshe Bici, e cila nga vota preferenciale fitoi 4977 vota dhe u rendit e 21-ta në listën e kandidatëve të PS për Tiranën.

Nëse Bici nuk e pranon mandatin dhe vijon të qëndrojë në krye të Kadastrës, e drejta për ta marrë mandatin e Ahmetajt i shkon Plarent Ndrecës, i cili ka siguruar në zgjedhjet e vitit 2021, 4008 vota në Tiranë.

Kujtojmë se ish-zëvendës kryeministri Ahmetaj ndodhej në arrati që prej 6 muajsh. Ai ndodhet në kërkim ndërkombëtar pasi akuzohet nga SPAK për korrupsion dhe fshehje të produkteve të veprës pendale.

LEXONI GJITHASHTU:

• Kontrollet e SPAK, reagon Ahmetaj: Raprezalja e radhës në familjen time
• SPAK shpall në kërkim ndërkombëtar Arben Ahmetajn