Aishe Haklaj thirret në SPAK, Ngjela: Procedurë, nuk shkojnë dot në qarqet e larta

Avokati Spartak Ngjela tha në një intervistë për Euronews Albania se thirrja e Aishe Haklajt nga SPAK është vetëm një procedurë formale që Prokuroria e Posaçme duhet të ndjekë pasi sot është dita e fundit e hetimit.

Sipas tij, pas kallëzimit në 2021 SPAK duhet të niste hetimin, gjë që nuk e ka bërë pasi siç tha, nuk shkon dot në qarqet e larta.

“Pasi është bëtë hetimi, SPAK duhet të nisë hetimin, që ngec se nuk shkon në qarqe të larta. SPAK dështoi, paratë i merr, rrogat i ka të larta, mbrojtjen e ka. Ishte gabim që u formua nga strukturat e vjetra të drejtësisë. Amerikanët duhet të sjellin këtu prokurorë që janë jashtë shtetit. Kreu i ri i SPAK e nisi mirë po u tërhoq, nuk bëhet vetëm ajo punë. Sot ishte dita e fundit e hetimit, e kanë marrë se përndryshe përgjegjësia do ishte e tyre”, tha Ngjela.

LEXONI GJITHASHTU:

• Do pyetet për vrasjen e vëllezërve, zbulohet pse u thirr Aishe Haklaj në SPAK
• Dhunohen varret e Haklajve në Tropojë, avokati i familjes: As kafsha nuk e bën