Aksident i rëndë në Korçë, makina përplas çiftin e bashkëshortëve me motor

Një aksident i rëndë raportohet të ketë ndodhur në aksin Korçë -Bilisht, në afërsi të fshatit Bitinckë.

Nga informacionet paraprake bëhet me dije se një automjet ka përplasur një motor me të cilin lëviznin dy persona. Të dëmtuar kanë mbetur burrë e grua që ndodheshin në motor.

Ata janë dërguar me urgjencë në spital pasi kanë marrë dëmtime të shumta.

Ende nuk dihet gjendja e tyre shëndetësore, ndërkohë që policia dhe grupi hetimor ndodhen në vendngjarje dhe po punon për zbardhjen e rrethanave të aksidentit.

Devoll/Informacion paraprak

Më datë 02.01.2024, në aksin rrugor “Korçë-Bilisht”, pranë fshatit Bitinckë, automjeti tip “Isuzi” me drejtues shtetasin Sh. L., ka përplasur motomjetin me drejtues shtetasin A. H., rreth 64 vjeç. Për pasojë ka marrë dëmtime ky i fundit dhe bashkëshortja e tij D. H., rreth 59 vjeçe, pasagjere në motomjet, të cilët po transportohen për mjekim në spitalin e Korçës.

Drejtuesi i automjetit u shoqërua për veprime të mëtejshme procedurale.

Grupi hetimor po punon për zbardhjen e rrethanave të aksidentit.

LEXONI GJITHASHTU:

• 820 mijë lekë gjobë, kush është i riu që shkaktoi aksidentin te Rruga e Elbasanit
• Aksidentohen dy automjete në rrugën kombëtare Kardhiq-Delvinë