Aksident në autostradën Fier-Lushnje: Disa të lënduar, humb jetën një person

Një aksident i rëndë ka ndodhur mesditën e sotme, në autostradën Fier-Lushnje, në “Kryqëzimin e Vajkanit”. Dy automjete janë përplasur me njëra-tjetrën, duke lënë tre persona të lënduar.

Të plagosurit u transportuan menjëherë në Spitalin Rajonal të Fierit për trajtim mjekësor. Sipas raportimeve, një person ka humbur jetën.

Në vendngjarje ndodhet policia bashkë me grupin hetimor, të cilët po punojnë për zbardhjen e shkaqeve të aksidentit dhe për disiplinimin e trafikut në zonë.

Njoftimi i plotë i policisë:

Rreth orës 12:20, në vendin e quajtur “Kryqëzimi i Vajkanit”, automjeti me drejtues shtetasin J. M., është përplasur me automjetin me drejtuese shtetasen L. M., 30 vjeçe, banuese në Laç.

Si pasojë e përplasjes ka ndërruar jetë pasagjerja në automjetin që drejtohej nga shtetasja E. M., shtetasja M. K., rreth 60 vjeçe, si edhe kanë shkuar në spital për të kryer ekzaminimet, drejtuesja e automjetit dhe 2 pasagjerët e tjerë, të cilët ndodhen jashtë rrezikut për jetën.

Grupi hetimor po punon për sqarimin e plotë të rrethanave dhe shkakut të aksidentit.

LEXONI GJITHASHTU:

• PS propozoi shkrirjen e Komisionit të Integrimit, Tabaku: Duhet gjithëpërfshirje
• Postoi në rrjete sociale video të keqtrajtimit të kafshëve, arrestohet 33-vjeçari