Një person ka mbetur i plagosur rëndë në një aksident të ndodhur paraditen e së enjtes në Korçë.
Ngjarja ka ndodhur në kryqëzimin e hyrjes në qytetin e Maliqit. Sipas policisë është një banor i qytetit të Maliqit, i cili ka qenë duke kaluar nga njëri krah i rrugës në krahun tjetër, kur është goditur nga një mjet tip Golf.
Goditja ka qenë e fortë aq sa i plagosuri ka fluturuar më shumë se 15 metra, duke u përplasur me asfaltin.
Sipas dëshmitarëve, shërbimi i urgjencës ka ardhur me shumë vonesë duke e rënduar gjendjen shëndetësore të të plagosurit, i cili ka marrë dëmtime të shumta në kokë dhe në pjesë të tjera të trupit.
Policia po heton në vendin e ngjarjes për të sqaruar rrethanat e këtij aksidenti, që është i dyti që ndodh brenda 60 minutash në këtë zonë.
LEXONI GJITHASHTU:
- Aksident i rëndë në Korçë-Pogradec, makina humb kontrollin dhe del nga rruga
- Brenda pak minutash, 2 aksidente në Durrës, detajet e para