Aksion në Maqedoninë e Veriut, sekuestrohen shuma parash, arrestohen 10 persona

Prokuroria për Ndjekjen e Krimit të Organizuar dhe Korrupsionit në Maqedoninë e Veriut ka bërë të ditur se ka zbuluar dhe konfiskuar rreth gjysmë milioni euro, përfshirë pajisje për numërimin dhe falsifikimin e parave, kopje të pjesëve të kartëmonedhave, si dhe armë dhe municione, gjatë një aksioni të zhvilluar të hënën.

Në një komunikatë për media, Prokuroria bëri të ditur se në bashkëpunim me EUROPOL në këtë aksion policor kanë vënë në pranga dhjetë persona.

Gjatë kontrolleve, autoritetet sekuestruan rreth 500 mijë euro, 25 mijë dollarë amerikanë, 500 franga zvicerane, 1800 shekela izraelite, 500 kuna kroate, 10 mijë lekë, 1 mijëë krona suedeze dhe 25 mijë rubla ruse.

“Janë ekzekutuar 23 urdhra për kontroll në banesa dhe janë siguruar prova materiale. Në Republikën e Serbisë janë bërë bastisje në disa lokacione, në Novi Pazar, Novi Sad, Sombor dhe Suboticë. Janë arrestuar gjashtë anëtarë të grupit kriminal, dhe janë sekuestruar 180.000 kartëmonedha të falsifikuara në euro”, njofton Prokuroria.

LEXONI GJITHASHTU:

• Arrestohen 4 persona në Maqedoni të Veriut, dyshohet të kenë lidhje me ISIS-in
• Gjoba deri në 40 mijë euro, Mali i Zi nga sot ndalon përdorimin e qeseve plastike