Aktivisti denoncon: 2 majmunë keqtrajtohen në kalanë e Lëkurësit në Sarandë

Indrit Osmani, drejtor ekzekutiv në qendrën ARSA denoncoi rastin e dy kafshëve që keqtrajtohen në kalanë e Lëkurësit në Sarandë.

Në një intervistë për “Good morning Albanians” në Euronews Albania ai tha se bëhet fjalë për dy majmunë.

“Jo vetëm personat në privatësinë e tyre, por edhe në publik ka sot e kësaj, dite turistë që denoncojnë pafund për 2 majmunë që mbahen në një kafaz të tmerrshëm dhe keqtrajtohen në kalanë e Lëkurësit në Sarandë. Institucionet kanë marrë vazhdimisht denoncime për këta majmunë dhe asgjë nuk është bërë. Ariu më i fundit u largua para pak ditësh nga një organizatë shumë e madhe e huaj që erdhi e mori pas shumë vitesh përpjekje sepse jetonte në një restorant në Tiranë, i cili kishte një fuqi aq të madhe sa mesa duket nuk i lejonte institucionet të bënin detyrën e tyre për ta marrë ariun nga aty,” – u shpreh aktivisti.

LEXONI GJITHASHTU:

• Një luaneshë endet nëpër Berlin, policia në kërkim të kafshës së egër
• E kafshoi gjarpri ndërsa ecte në mal, emigranti transportohet në spitalin e Korçës