Aktivistja: Fëmijët që shfaqin sjellje abuzive seksuale mund të kenë qenë viktima

Aktivistja për të drejtat e fëmijëve Suela Koçibellinj ishte e ftuar mëngjesin e kësaj të marte në “Good Moorning Albanians” për të folur rreth një ngjarje tepër të rëndë të ndodhur në Shkup, ku janë përfshirë tre të mitur.

Dy djem të moshës 10 dhe 13 vjeçare kanë përdhunuar një vajzë të moshës 8-vjeçare. Aktivistja ka thënë se në këtë rast të tre janë viktima për shkak të moshës së mitur. Ajo ka thënë se prindërit apo institucionet edukuese duhet të jenë më të vëmendshëm ndaj fëmijëve që ata të mos shfaqin sjellje të tilla agresive.

“Nëse ne kemi sot fëmijë që shfaqin sjellje problematike seksuale janë shumë faktor që lidhen me këtë sjellje. Këta fëmijë vijnë nga familje ku ka dhunë, ku ka probleme financiare, janë fëmijë që kanë pasur akses në imazhe pornografike online apo në sjellje seksuale adultësh të personave që kanë pasur afër.

Pra mund të kenë parë dy të rritur që kanë pasur afër  duke kryer marrëdhënie seksuale. Statistikat tregojnë se fëmijët që bëjnë sjellje abuzive seksuale, janë fëmijë që edhe kanë pësuar sjellje abuzive seksuale”,-tha Suela Koçibellinj.

LEXONI GJITHASHTU:

• Abuzimi seksual me 8-vjeçaren në Shkup, psikologia: U pasqyrua thjesht si një lajm
• Psikologia tregon se 7 vajza 12 dhe 13 vjeçe kanë bërë abort njëkohësisht