Një gjykatë në Iran dha dënimin e parë me vdekje për një person i cili u arrestua për pjesëmarrje në protestat ne vend.
Media shtetërore e Iranit raportoi se Gjykata Revolucionare në Teheran ka konstatuar se i pandehuri i ka vënë zjarrin një objekti qeveritar dhe se është fajtor me akuzën për “armiqësi kundër Zotit”.
Në studion e Good Morning Albanians, në Euronews Albania u diskutua lidhur me këtë temë mes teologut Neki Kaloshi dhe aktivistes nga Kosova Nerimane Ferizi.
Teologu Kaloshi tha se në lidhje me regjimin e Iranit ‘kemi rezervat tonë në mënyrën e interpretimit të islamit, nisur që nga mënyra si ka ardhur në pushtet.
Sipas aktivistes, fakti që secili hoxhë apo teolog ka një interpretim të vetit për Islamin ka krijuar një konfuzion të madh.
“Do të ishte mirë që këto rregulla të përshtateshin me shekullin e 21 e të mos ishin shtypëse. Me kaq shumë interpretime, nuk di më cilit t’i besosh”, tha aktivistja.
LEXONI GJITHASHTU:
- Habit teologu mysliman: Ka dhe nuk ka dënim me vdekje në Islam
- Teologu: Njerëzit pa vizion duan horoskopin dhe skandalin
