AKU bllokon produkte ushqimore dhe gjobit 4 subjekte tregtare

Autoriteti Kombëtar i Ushqimit, në kuadër të kontrolleve të kryera për festat e fundvitit ka bllokuar produkte ushqimore në 4 subjekte tregtare në qytetet e Tiranës dhe kukësit.

Përmes një njoftimi për media AKU ka bërë me dijes e janë sekuestruar 342.5 kg produkte u ushqimore si dhe janë vendosur masa administrative në vlerën totale 650 mijë lekë.

“Autoriteti Kombëtar i Ushqimit me qëllim garantimin e mbarëvajtjes së festave të fundvitit në të gjithë vendin, ka gjobitur 4 subjekte dhe bllokuar produkte ushqimore.

Trupat inspektuese të drejtorive Rajonale AKU Tiranë dhe Kukës gjatë kontrolleve zyrtare të kryera në katër subjekte me natyrë aktiviteti “market”, “supermarket”, “prodhim, përpunim produkte ushqimore” konstatuan problematika me dokumentacionin, mangësi në gjurmueshmëri, mangësi në etiketim si dhe rezultateve jokonforme të raport provave.

Për shkeljet e konstatuara ndaj këtyre subjekteve janë vendosur masat administrative me “gjobë” në vlerën 650.000 lekë si dhe u bllokua sasia prej 342.5 kg produkte deri në plotësimin e kërkesave ligjore.

Autoriteti Kombëtar i Ushqimit do të vijojë kontrollet e shtuara në terren me qëllim mbrojtjen e shëndetit dhe ndëshkimin e paligjshmërisë”, thuhet në njoftimin e AKU.

LEXONI GJITHASHTU:

• Ruhej në kushte të papërshtatshme mes minjve, AKU bllokon 52 ton miell
• AKU bllokon 21 mijë vezë dhe produkte sallamerie në 13 subjekte në Vlorë