Deputeti demokrat Asllan Dogjani është paraqitur këtë të mërkurë në Gjykatën e Posaçme Kundër Korrupsionit dhe Krimit të Organizuar (GJKKO), ku pritej të merrej një vendim në lidhje me kalimin e dosjes së tij për gjykim.
Dogjani akuzohet nga SPAK për mosdeklarim dhe fshehje pasurie, duke e lidhur akuzën me përfitimin e një apartamenti.
Gjyqtarja Rudina Palloj e shtyu vendimin për datën 24 janar, ora 10:00 ku do të vendoset “të kalojë për gjykim, të kthehet për hetime, ose të pushohet”.
Para hyrjes në sallën e gjykatës, Dogjani deklaroi: “Pres drejtësi, vetëm nga zoti jemi të barabartë të gjithë.”
LEXONI GJITHASHTU:
- Fshehu apartamentin, zbardhet dosja për të cilën po hetohet Asllan Dogjani
- Përplasje në seancën plenare! Dogjani bllokon foltoren, Spiropali: Po provokoni