Akuzat për fjalimin në KiE, Rama: Opozita është zhytur në thesin e parave ruse

Kryeministri Rama ka reaguar  për akuzat e opozitës për fjalimin e tij të mbajtur në Asamblenë Parlamentare të Këshillit të Evropës.

Në një postim që ka bërë në Twitter, kreu i qeverisë thotë se opozita është zhytur në thesin e parave ruse, ndërsa ka shpërndarë një foto të Sali Berishës, Ilir Metës dhe Lulzim Bashës.

“Rublat vazhdojnë të flasin mbrapsht në Tiranë, siç folën në 2011 përmes votës KUNDËR Kosovës, e vetë Shqipërisë dhe PRO Rezolutës famëkeqe, që lemerisi botën me shkulësit e organeve shqiptarë! Opozita e rublave është e zhytur shumë më thellë se sa duket në thesin e parave ruse…”, shkruan Rama.

Kreu i qeverisë dy ditë më parë mbajti një fjalim në KiE në Strasburg kundër raportit Dick Marty. Rama tha se ky raport ishte një dështim i turpshëm i diplomacisë ndërkombëtare, që duhet zhbërë pa humbur kohë.

Por fjalimi i tij mori reagime të shumta nga opozita. Berisha pak më parë u shpreh se kreu  i qeverisë i futi thikë pas shpine Kosovës.

LEXONI GJITHASHTU: 

• Fjalimi në Strasburg, Berisha: Rama tradhtar, i futi thikën pas shpine Kosovës
• Në PS po zhvillohet betejë për jetë a vdekje midis Veliajt dhe Ramës, thotë Berisha