Një telefonatë anonime për bombë në ambientet e Strukturës e Posaçme (SPAK) ka alarmuar policinë paraditen e së martës.

Te salla operative e Drejtorisë Vendore të Policisë Tiranë, ka ardhur një telefonatë anonime, sipas së cilës bomba ishte vendosur te Apeli i GJKKO-së.

“Rreth orës 11:00, në Sallën Operative ka ardhur një telefonatë për një sasi lënde plasëse që dyshohet se është vendosur në një institucion zyrtar, në rrugën “Jordan Misja”, thuhet në njoftimin e policisë.

Shërbimet e Policisë kanë kontrolluar godinën dhe zonën përreth dhe nga verifikimet e kryera dhe kontrolli paraprak i kryer, ka rezultuar se është njoftim i rremë.

Telefonuesi ka fikur telefonin dhe po punohet për identifikimin e tij.

LEXONI GJITHASHTU

• Prokurori anti-mafias italiane: Prokurorët e SPAK të marrin pjesë në mbledhjet tona
• Kreu i SPAK: Krimi shqiptar i shtrirë nga Amerika Latine deri në Dubai
• 3 emra për kreun e ri të SPAK, Kondili dhe Altin Dumani dorëzojnë platformën në KLP