“Alarmi për sulme në Kosovë”, The Times: Telefonata e CIA që zbuloi planet e Serbisë

Tre ditë para sulmit në veri të Kosovës, nga i cili mbeti i vrarë polici Afrim Bunjaku, një ekspert për çështjet e sigurisë në Shtëpinë e Bardhë ka marrë një telefonatë shqetësuese nga inteligjenca amerikane.

Revista prestigjoze amerikane “The Times” ka publikuar pjesë nga dëshmia e tij, ndërsa tregonte se forcat serbe po akumuloheshin në kufirin me Kosovën, aty ku paqen dhe sigurinë e monitoron prezenca e forcave të NATO që prej luftës në vitin 1999.

Sipas The Times, tre ditë pas këtyre informacioneve serbët e armatosur kryen sulmin në Banjskë.

Shqetësuese në shkrimin e The Times është fakti se ka dyshime që Serbia po përgatit një operacion tjetër ushtarak, referuar të dhënave të një zyrtari amerikan të inteligjencës.

Këto shqetësime sipas “The Times” nuk kanë rënë në vesh të shurdhët. Me qëllim që të zmbrapset Serbia këshilltari i sigurisë së SHBA-ve, Jake Sullivan aprovoi një kërkesë për të deklasifikuar elemente të lëvizjeve ushtarake serbe. Agjencia e inteligjencës thotë se ka redaktuar detajet sekrete te materialit, për të mos lënë të kuptohet mënyra dhe burimet e inteligjencës. Informacionet për lëvizjet ushtarake serbe i bëri të ditura më pas në një videokoferencë zëdhënësi i Këshillit të Sigurisë, John Kirby. Ai tha se në lëvizjet ushtarake përfshiheshin tanke, njësi këmbësorie dhe mjete të mekanizuara.

Teksa vëmendja shtohej, vendet evropiane iu bashkuan Shteteve të Bashkuara të Amerikës për të shtuar presionin ndaj Serbisë, madje Britania njoftoi shtimin e trupave të saj në Kosovë. Disa ditë më vonë u vu re një tërheqje e trupave serbe. Publikimi lëvizjeve ushtarake serbe në kufi është një mënyrë e re e Shtëpisë së Bardhë për përdorimin e inteligjencës, në mënyrë të ngjashme me atë të luftës në Ukrainë.

LEXONI GJITHASHTU:

• O’Brien: Kosova ta themelojë Asociacionin, Serbia të dënojë sulmin e Banjskës
• O’Brien: Serbia të mbajë përgjegjës ata që janë përfshirë në sulmin në Banjskë