Albon rinovon me Williams

Williams Racing nënshkroi rinovimin e kontratës me Alex Albon. Zyrtarizimi për një bashkëpunim shumë vjeçar me pilotin tailandez u bë ditën e sotme. Alex Albon u shpreh i kënaqur për qëndrimin te Williams Racing dhe vazhdimin e bashkëpunimit me një skuadër të talentuar dhe ambicioze inxhinierësh. Ai pranon startin e vështirë të sezonit por konfirmon se ka mundësi reale që Williams të jetë shumë shpejt në vendet e para të nisjes dhe klasifikimit.

Një projekt afatgjatë ku Albon dëshiron të luajë një rol kyc në një udhëtim që kërkon kohën e tij për kthimin mes më të mirëve ku anglezët kanë qënë vite më parë. Në të njëjtën mënyrë, Team Principal James Vowles shprehu kënaqësinë që skuadra siguroi të ardhmen me Alex në bord. Një talent i jashtëzakonshëm, teknikisht i aftë dhe i dedikuar për suksesin e Williams Racing.

Që nga dita e parë në skuadër Alex ka treguar në vazhdimësi aftësinë për të garuar nën presion. Rinovimi i tij është një pjesë e rëndësishme e panoramës së viteve në vazhdim.

LEXONI GJITHASHTU:

• Ferrari çmonton Mercedes
• Mercedes “hap thesin” për kampionin e Red Bull
• Norris mundi Verstappen për fitoren e parë në Formula 1