Aleksandër Çipa zbulon qëllimin e Berishës dhe Metës për protestën e 6 dhjetorit

Gazetari Aleksandër Çipa thotë se është domosdoshmëri që protesta e opozitës në ditën kur në Tiranë mbahet samiti i BE të tregojë qytetari dhe të përcjellë mesazhet e duhura.

Në një intervistë për Euronews Albania, Çipa u shpreh se qëllimi i takimit të sotëm mes Metës dhe Berishës është që me çdo kusht pjesëmarrja në protestë të jetë masive.

“Në takimin e sotëm Meta-Berisha është me çdo kusht pjesëmarrja masive, besoj se ky është qëllimi  më i rëndësishëm  që i kanë vendosur vetes në këtë bashkëpunim opozitar. Është i paralexuar qëllimi i Metës, mesazhe të cilat duhet të jenë për një Evropë që të jetë e pranishme në mënyrën si duhet të funksionojë demokracia. Tani Meta është në një pozicion tjetër politik, ndaj në këtë pikë i intereson të shihet si protagonist i opozitarizmit në Shqipëri dhe këtë mesazh e ka të njëjtë me Berishën. Është e domosdoshme që protesta e opozitës të tregojë qytetari, në shmangien e çdo incidenti dhe mesazhin që do të japin protagonistët e protestës Meta dhe Berisha”, tha Çipa.

LEXONI GJITHASHTU:

• Protesta e 6 dhjetorit në favor të Edi Ramës, thotë Milaim Zeka
• Analisti Çupi: Protesta e 6 dhjetorit, rrezik kombëtar