Protesta e 6 dhjetorit në favor të Edi Ramës, thotë Milaim Zeka

Po të ishte një protestë e organizuar nga shoqëria civile, do të ishte ndryshe. Kështu u shpreh në Euronews Albania, gazetari Milaim Zeka për protestën e 6 dhjetorit.

Sipas tij, nëse qëllimi do të ishte neglizhenca e BE-së karshi Shqipërisë apo vizat e Kosovës, do të ishte me vend protesta në po të njëjtën ditë që liderët e unionit mblidhen në Tiranë, por qëllimi dhe organizimi nga opozita mund të keqkuptohet nga europianët.

“Janë 1 milion arsye për të cilat njerëzit do të mund të protestonin në datën 6 dhjetor. Protesta e organizuar nga opozita, nga Sali Berisha dhe Ilir Meta, shkon në favor të Edi Ramës. Është tepër politike dhe mund të merret nga Edi Rama si arsye për ta përdorur edhe tek udhëheqësit më të lartë të Bashkimit Europian,” – u shpreh Zeka.

Duke qenë se samiti është një ditë historike për shqiptarët dhe jo për historinë, protesta që pritet të mbahet në po të njëjtën ditë, sipas gazetarit do të ishte në favor të kryeministrit.

LEXONI GJITHASHTU:

• Protesta e 6 dhjetorit, Meta i shkon në zyrë Berishës
• ‘Botë fantazmë serbe’, protestë kundër Open Balkan në Mal të Zi