Ali Ahmeti: Masat e BE e SHBA duhet të jenë alarm për Kurtin dhe klasën politike

Kryetari i partisë Bashkimi Demokratik për Integrim (BDI) në Maqedoninë e Veriut, Ali Ahmeti, ka thënë se klasa politike e Kosovës, e në veçanti Qeveria e Kosovës duhet të jenë në alarm nga vendosja e sanksioneve prej një viti ndaj Kosovës, nga Bashkimi Evropian (BE) dhe Shtetet e Bashkuara të Amerikës (ShBA).

Ahmeti ka thënë se nuk ndihet mirë kur lexon në mediat ndërkombëtare për ndëshkimin që BE dhe ShBA i kanë bërë Kosovës, me këtë rast edhe ka bërë thirrje që qeveria të bashkëpunoj me aleatet e saj.

Ai ka thënë se ShBA se bashku me aleatët e saj në NATO ishin ata që ndihmuan për çlirimin e Kosovës nga Serbia.

“Nuk ndjehem mirë kur shohë nëpër media ndërkombëtaret por edhe në mediat kombëtare, që Amerika ka vendosur sanksione ndaj Kosovës, se Evropa ka vendosur sanksione ndaj Kosovës. Unë mendoj që të gjithë klasën politike në Kosovë, në veçanti qeverinë e Kosovës duhet ta vënë në alarm sepse të gjithë këta aleat, ShBA me aletet e vetë në NATO ishin ata që na ndihmuan në çlirimin e Kosovës. Lirinë e paguam me gjake, por çlirimin e bëmë më aleatët. Kështu që këto lajme që unë i lexoj nuk janë të mira për Kosovën, nuk i bëjmë mirë shëndetit të Kosovës”, ka thënë ai për Ekonomia Online.

Ahmeti ka thënë se Kosova ka një proces tepër të rëndësishëm përpara për anëtarësimin në BE, NATO e organizata të ndryshme dhe sipas tij, për të pasur sukses në këtë rrugëtim, Kosovës i duhen miqtë ndërkombëtar.

“Kosova ka një proces përpara tepër të rëndësishëm që duhet ti përmbyll çështja që akoma janë të hapura. Duhet bërë demarkacioni me Serbinë, Kosova duhet të vazhdoj drejt anëtarësimit të vetë në institucione ndërkombëtare si në NATO, si në BE, si në OSBE e kështu me radhë, me dhjetëra e dhjetëra institucione ndërkombëtare. Kështu që për tu bërë ky proces i suksesshëm Kosovës i duhen miqtë, i duhet Ëashington, i duhet Brukseli, i duhet Berlini, i duhet Londra, Parisi, Vjena të gjithë i duhen për ta përmbyllur me sukses të gjithë procesin e shtetit të kompletuar”, ka thënë ai./EO/

LEXONI GJITHASHTU:

• Koalicioni i BDI u rendit i dyti, Ali Ahmeti: Morëm më shumë se 30 mijë vota se Vlen
• Musliu: Ali Ahmeti ka luftuar me pushkë në krah! Nuk e akuzoni dot!