Musliu: Ali Ahmeti ka luftuar me pushkë në krah! Nuk e akuzoni dot!

Ali Ahmeti, kreu i BDI në Maqedoninë e Veriut u nderua këtë të enjte me titullin “Qytetar Nderi” në Tiranë.

Analisti nga RMV Albert Musliu tha në një intervistë për Euronews Albania se Ali Ahmeti është një njeri që ka luftuar që kur ka qenë student për lirinë e Kosovës.

“Ahmeti ka pasur rolin e tij që në ‘81 si student në Prishtinë me nisjen e lëvizjes popullore kundër ish-Jugosllavisë dhe nuk u ndërpre deri në pavarësinë e Kosovës. Shqiptarët kudo kanë qenë kanë pasur synim pavarësinë e Kosovës dhe vetë fakti që Ahmeti tha nuk e njeh Tiranën e ‘91 tani në Tiranën e 2024 është një shenjë që kemi avancim. Ne jemi popull dinamik që s’e pranojmë gjithmonë zhvillimin por ai është i dukshëm. Faza më e re e avancimit të të drejtave të shqiptarëve si popull është në RMV; kemi tani një kryeministër shqiptar që është rezultat i një veprimtarie të udhëhequr nga Ali Ahmeti”, tha Musliu.

LEXONI GJITHASHTU:

• Ali Ahmeti qytetar nderi në Tiranë, Rama: Një ndër shqiptarët më të mirë në histori
• Ali Ahmeti qytetar nderi në Tiranë: Më nderuat! Do përpiqem të jem i disiplinuar