Ali Ahmeti takon presidentin Begaj para protestës për komandantët e UÇK

Kryetari i Bashkimit Demokratik për Integrim, Ali Ahmeti, gjatë qëndrimit të tij në Tiranë, ku do të marrë pjesë në protestën gjithëkombëtare “Drejtësi për Çlirimtarët”, u prit në një takim nga Presidenti i Republikës së Shqipërisë, Bajram Begaj.

Sipas BDI-së, në takim u diskutua për zhvillimet aktuale në rajon, proceset euroatlantike, si dhe për rolet e rëndësishme që Shqipëria dhe Maqedonia e Veriut kanë në ruajtjen e paqes, stabilitetit dhe bashkëpunimit ndërfqinjor.

Kryetari Ahmeti e përgëzoi Presidentin Begaj për përparimin e Shqipërisë në rrugën e saj drejt integrimit evropian, duke theksuar se është jetike që edhe Maqedonia e Veriut të ecë përkrah Shqipërisë në këtë proces.

“Rruga drejt Brukselit është rrugëtim strategjik kombëtar që forcon paqen, zhvillimin dhe bashkëpunimin rajonal. Të dyja vendet tona duhet të ecin krah për krah drejt një të ardhmeje të përbashkët evropiane”, u shpreh Ahmeti.

LEXONI GJITHASHTU:

• Osmani në Tiranë, por jo në protestën në përkrahje të ish-eprorëve të UÇK-së në Hagë
• Në këmbë nga Kosova, veterani i UÇK-së mbërrin në Tiranë për protestën