Alibali: USAID si organizatë kriminale edhe në Shqipëri

Analisti Neritan Alibali komentoi në emisioni Now në Euronews Albania vendimin e Departamentit Amerikan të Shtetit riorganizmin e USAID dhe rishikimin e fondeve ndërkombëtare të kësaj organizate.

Sipas tij, nëse administrata amerikane ka shpallur USAID si organizatë kriminale, atëherë i bie që ka vepruar si e tillë edhe në Shqipëri, ku ka financuar edhe reformën në drejtësi,

Me këtë logjikë, theksoi analisti, USAID ka nxitur qeverinë shqiptare jo të promovojë demokracinë por të shkelë kushtetutën dhe shtetin e së drejtës.

“Nëse administrata amerikane që ne e besojmë të gjithë, i bie me logjikë që USAID ka vepruar edhe në Shqipëri si organizatë kriminale dhe kjo është shumë e rëndë, se ka bashkëpunuar për reformën në drejtësi për strukturat e posaçme, që na rezulton me këtë logjike, si bashkëpunim i krimit të organizuar me strukturat e drejtësisë. Çfarë qëndrimi mban kryeministri sa i përket ndihmës që USAID ka dhënë në reformën në drejtësi por edhe më gjerë? Nëse është kështu, ky USAID ka nxitur qeverinë shqiptare jo të promovojë demokracinë por të shkelë kushtetutën”, tha ai.

LEXONI GJITHASHTU:

• Roli i USAID-it dhe përse kërkohet mbyllja e kësaj agjencie?
• Rubio merr udhëheqjen e USAID-it