Alibeaj dhe përfaqësues të PD-së, takim me ambasadorët në Kryesinë e Kuvendit

Mesditën e sotme, deputeti Enkelejd Alibeaj së bashku me 5 përfaqësues të grupit të Partisë Demokratike, Jorida Tabaku, Grida Duma, Dhurata Çupi, Agron Gjekmarkaj dhe Gazment Bardhi do të takohen me 8 ambasadorë.

E pranishme në këtë takim do të jetë edhe ambasadorja amerikane, Yuri Kim.

Pritet që diskutimi kryesor të jetë për Reformën Territorale, por edhe për datën e zgjedhjeve.

Pas takimit që do të zhvillohet në Kryesinë e Kuvendit, do të ketë një komunikim për mediat nga Alibeaj.

Partia Demokratike ka dorëzuar sot në Kuvend draftin final për Reformën Territoriale. Ky draft propozon ndarjen e vendit në 94 bashki dhe në 3 ose 6 rajone.

Deputetja e PD Dhurata Çupi, e cila ka dorëzuar këtë draft në emër të demokratëve, ka kërkuar nga deputetët e PS dhe ata të PD që të miratojnë këtë projektligj, që sipas saj është në shërbim të interesit të qytetarëve.

Një tjetër propozim ishte ai i Kristaq Kume, nga Instituti për Zhvillimin e Sistemit të Zgjedhjeve, i cili propozoi ndarjen e vendit në 4 rajone, ku çdo rajon do të vetëqeveriset nga këshilli i rajonit që do të zgjidhet çdo 4 vjet.

LEXONI GJITHASHTU:

• Ndarje në 94 bashki, PD dorëzon në Kuvend draftin për Reformën Territoriale
• Reforma Territoriale, Denaj: Rritja e numrit të bashkive ka kosto financiare