“Alibeaj të ishte përballur me Rithemelimin”! Daci: PD hyn e frikësuar në fushatë

Politogu Alban Daci në një intervistë për Euronews Albania e cilësoi të gabuar strategjinë e ndjekur nga lidershpi i PD zyrtare, Enkelejd Alibeaj dhe të tjerët.

Sipas tij, refuzimi për t’u përballur me Rithemelimin, zhdukja nga studiot televizive, mungesa e llogaridhënies në media bën që PD të hyjë e paragjykuar dhe e frikësuar në fushatë.

“Zhdukja nga studiot televizive, mungesë e llogaridhënies në media, është linjë që ka zgjedhur ndoshta ka të bëjë me të kaluarën e tyre politike. Po të isha unë në krye të PD, unë do isha përballur jo vetëm me rithemelimin por cilindo tjetër. Ka qenë një strategji e gabuar dhe kjo bën që sot PD të hyjë e paragjykuar dhe e frikësuar në fushatë. Kjo është shumë e dëmshme për demokratët, nuk kanë bërë minimumin që t’u shpjegonin anëtarësisë pse PD ka arritur në këtë pikë”, tha Daci.

LEXONI GJITHASHTU:

• Çfarë duhet të bëjë lidershipi i PD nëse përsëritet skenari i 6 marsit?
• Kandidatja e PD: Të majtët nuk kanë çfarë t’i japin më qytetarëve fierakë