Kandidatja e Partisë Demokratike për Bashkinë Fier, Eriselda Zotaj tha se në Fier ka politikanë që nuk kanë se çfarë të ofrojnë më.

Sipas saj prej më shumë se 30 vitesh ka politikanë në qytetin ku ajo kandidon që nuk mund të japin më asnjë program për qytetarët.

“Janë disa politikanë që nuk kanë çfarë i japin më votuesit fierak dhe realisht sot është momenti për të thyer një herë e përgjithmonë mentalitetin e trashëguar prej vitesh se Fieri na qenka një bastion. Është fakt që është votuar Partia Socialiste, por sot kemi një alternativë që i ka munguar qytetarit fierak,” – u shpreh Zotaj.

Sipas saj pavarësisht investimeve, në Fier situata nuk është aq bukur sa e paraqesin socialistët.

LEXONI GJITHASHTU:

• Kreshnik Spahiu: E djathta dhe PD do votojnë Dashamir Shehin në Tiranë
• Arrestimi i Allës, kreu i PD-së në Bulqizë: Ishte përdorues i lëndëve narkotike