Alimehmeti: Të gjithë e kemi kaluar virusin RSV brenda moshës 2 vjeç

Mjeku Ilir Alimehmeti ka dhënë sqarime në lidhje me virusin RSV.

Në një intervistë për emisionin “Good Morning Albanians” në Euronews Albania, mjeku tha se ky nuk është virus i rrallë, pasi sipas tij të gjithë e kanë kaluar RSV-në brenda moshës 2-vjeç.

RSV sipas mjekut është një nga viruset më të përhapura që ekziston.

“RSV është një nga viruset më të përhapura që ekziston. Brenda ditëlindjes së dytë, ky fëmijë sigurt do të ketë pasur kontaktin e parë me RSV. Pra brenda moshës 2 vjeç të gjithë ne jemi përballur me RSV. Është një nga shkaqet më të shpeshta që ne e quajmë bronkoliti i foshnjës. Ne si shkencë e njohim që nga viti 1956. Nuk është as rasti i parë as i fundit”- tha ai.

LEXONI GJITHASHTU: 

• Alimehmeti: Në Shqipëri nuk dihet sa qytetarë kanë vdekur e janë infektuar me Covid
• Shabani: Logopedi ishte me pushtet, 20 vite që punonte në klinikën e ORL-së