Alpinisti që humbi jetën në Olimp të Greqisë është shqiptar nga Maqedonia e Veriut

Pesëdhjetë e shtatë vjeçari shqiptar nga Shkupi, Mefail Gurri, është aplinisti nga Maqedonia e Veriut që humbi jetën dje në malin Olimp në Greqi.

Lajmin për vdekjen e Gurrit e ka konfirmuar Ministria e Punëve të Jashtme si dhe nga Shoqata Bjeshkatare Ekologjike “Shkupi”.

Ditën e djeshme një pjesë e anëtareve të Shoqatës  “Shkupi” kishin udhëtuar në Greqi për tu ngjitur në malin e Olimpit.

“Rreth orës 20:00 arritëm 50 metra në afërsi të shtëpisë malore “Refugge A” dhe për një moment anëtari dhe vëllai ynë Mefail Gurri u ndal, u mbështet mbi shkopinj dhe ra pa vetëdije, duke u rrokullisur rreth 10 metra. Ishte pa vetëdije, as nuk fliste, e as nuk dinte të mbahej . Ne vrapuam duke i dhëne ndihmën e parë, në afat prej dy minutash kane arritur edhe persona zyrtarë nga shtëpia malore për dhënien e ndihmës së parë. Ata dhanë maksimumin e tyre, provuan edhe me elektroshok ta kthejnë në jetë, por për fat të keq nuk arritën”, thonë nga Shoqata Bjeshkatare Ekologjike “Shkupi”. 

Shkaku i vdekjes do të kumtohet pasi që të kryhet autopsia në Selanik, por, sipas informatave fillestare, alpinisti 57 vjeçar ka mundësi të ketë pësuar sulm në zemër.