Ambasada e Mbretërisë së Bashkuar thirrje shqiptarëve: Mos rrezikoni jetën me gomone

Ambasada e Mbretërisë së Bashkuar në vendin tonë u ka bërë një thirrje shqiptarëve të cilët duan të largohen drejt këtij shteti.

Përmes një postimi në rrjetet sociale, ambasada apelon që të mos tentohet largimi drejt Mbretërisë së Bashkuar përmes gomoneve.

Kjo për shkak se kushtet jo të favorshme të motit mund të çojnë deri në humbjen e jetës.

“Duke u përpjekur për t’u larguar nga Shqipëria për në Mbretërinë e Bashkuar mund të humbësh edhe jetën nga kushtet e rrezikshme të motit. Mos rreziko!”, shkruan ambasada në Facebook.

Kryeministri britanik, Rishi Sunak ka premtuar më shumë njerëz të angazhuar për të ndihmuar në dëbimin e azilkërkuesve në Mbretërinë e Bashkuar deri në fund të vitit.

Sipas një plani të prezantuar nga ai, një njësi e dedikuar prej 400 specialistësh do të ngrihet për të trajtuar kërkesat nga shqiptarët.

Zyrtarët kufitarë të Mbretërisë së Bashkuar do të vendosen gjithashtu në Shqipëri, sipas një marrëveshjeje të re me vendin.

LEXONI GJITHASHTU

• Biden legalizon emigrantët, plan të ri për frenimin e emigracionit të paligjshëm
• Fluks automjetesh në Kapshticë, emigrantët shqiptarë kthehen në Greqi
• Spahiu: S’ka minoritet grek, janë emigrantë të ardhur tek gjyshërit tanë