Ambasada e Rusisë në Beograd reagon pasi Kosova shpalli ‘non grata’ spiunen ruse

Ambasada e Rusisë në Beograd ka reaguar pas Kosova shpalli person të padëshirueshëm shtetasen ruse Daria Asmalova, e cila akuzohet për spinuazh.

Përmes një njoftimi, ambasada e ka konsideruar një provokim këtë vendim të autoriteteve të Kosovës dhe kërkon një reagim nga instituconet ndërkombëtare si OKB, OSBE apo UNMIK.

“Ndalimi i pabazuar i Daria Aslamovës paraqet një provokim tjetër të institucioneve të përkohshme në Kosovë, shembull i shpërfilljes së plotë të Prishtinës ndaj parimeve themelore demokratike, përfshirë lirinë e mediave. Ftojmë Sekretariatin e OKB-së, UNMIK-un, Misionin e OSBE-së në Kosovë, Misionin e BE-së për zbatimin e rendit dhe ligjit dhe ekspertët e organizatave ndërkombëtare të dalin menjëherë me një vlerësim publik të ngjarjes”, thuhet në njoftimin e ambasadës ruse.

Ditën e djeshme, ministri i Punëve të Brendshme të Kosovës, Xhelal Sveçla u shpreh se Asmalovas i është ndaluar hyrja për 5 vite.

Më pas, mësohet se Asmalova është liruar dhe ka shkuar në Serbi.

Lajmin e bënë të ditur mediat ruse, sipas të cilave Aslamova u lirua gjatë orëve të natës mes së shtunës dhe së dielës dhe vijoi e vetme rrugën drejt kufirit mes Serbisë dhe Kosovës.

Sipas burimeve mediatike, aktualisht ajo ndodhet në qytetin serb të Rashkës.

LEXONI GJITHASHTU

• Kush është spiunia ruse që ndaloi Kosova, publikohen fotot me Karaxhiç
• Kosova shpall person të padëshirueshëm shtetasen ruse të akuzuar për spiunazh